Matricula

Matrícula

Prazo:
Poderase solicitar a matrícula do 01 ao 14 de setembro de 2012, sen prexuízo de que, en virtude das especiais circunstancias do alumnado deste réxime educativo, se poidan admitir solicitudes fóra do prazo establecido:

Nas dúas modalidades de bacharelato a distancia, a dirección do centro poderá autorizar, con carácter excepcional, a matrícula fóra de prazo daqueles alumnos escolarizados en calquera outro réxime ou modalidade de bacharelato que acrediten documentalmente a imposibilidade de continuar os seus estudos na forma en que os viñan realizando.
Igualmente, e mediante o mesmo procedemento, a dirección do centro poderá autorizar ata o 30 de abril a matrícula fóra de prazo daquelas persoas que, por razóns de cambio na súa situación laboral, por causas de enfermidade ou outras causas excepcionais, desexen incorporarse ao bacharelato a distancia e non procedan doutro réxime ou modalidade de bacharelato.
Excepcionalmente, e nas dúas modalidades de bacharelato a distancia, o alumnado que acadou o título de graduado en educación secundaria no mes de febreiro poderá matricularse do 15 ao 28 do mesmo mes.

Impresos:
O sobre cos impresos de matrícula e as instruccións para cubrilo recolleranse e entregaranse, xunto a documentación requirida, na secretaria do Centro de E.P.A. de Ferrol.
O alumno/a deberá ter en conta o seguinte:
- Pagar na secretaría do Centro 3 € polo sobre de matrícula.
- Ingresar na Caixa de Aforros de Galicia 1,12 € polo seguro escolar, se é menor de 28 anos, na conta 2091 0200 07 3100000070.

Documentación:
1. Impreso de matrícula (cuberto axeitadamente).
2. Fotocopia do DNI.
3. 3 fotografías tamaño carné co nome e apelidos e curso escrito por detrás.
4. Certificado dos estudios realizados.
5. Resgardo do pagamento das taxas do seguro escolar (menores de 28 anos).
6. Exención da materia de educación Física de 1º de BAC para maiores de 25 anos.
7. Criterios de preferencia para a obtención de praza no BAC Semipresencial (se houbera máis solicitudes de prazas das que se ofertan).
8. Autorización para que a Consellería de Educación solicite datos fiscais sobre a última declaración da renda á axencia estatal da Administración Tributaria.

Permanencia estudiando en bacharelato a distancia
Non existe límite de permanencia nesta modalidade de ensino. O alumno/a pode adaptar o seu ritmo de traballo ás súas dispoñibilidades de tempo e pode matricularse cada curso do número de materias que desexe.
Os alumnos/as matriculados no bacharelato semipresencial e a distancia serán considerados para todos os efectos alumnos/as oficiais, polo que terán dereito de acceso aos servizos e instalacións do centro e quedarán suxeitos a todas as normas de funcionamento, así como, no caso de teren menos de 28 anos, ao abono do seguro escolar obrigatorio.

Materias para matricularse
CIRCUNSTANCIAS DE MATRICULACIÓN NO BACHARELATO PARA PERSOAS ADULTAS. CURSO 2009-2010

BACHALERATO A DISTANCIA, SEMIPRESENCIAL E TELEMÁTICO
Condicións do alumnado	Pode matricularse de
Non ten materias superadas do primeiro curso	Materias de 1º ou 2º curso que cursará de acordo co establecido na Orde do 24 de xuño de 2008 pola que se desenvolve a organizacion e o currículo das ensinanzas de bacherelato na Comunidade Autónoma de Galicia DOG do 27 de xuño, coas limitacións establecidas na lexistalción específica de bacherelato de adultos.
Procede do BAC Ordinario
Procede do bacharelato ordinario e ten 1º curso completo superado de bacharelato LOXSE.	Incorpórase ao 2º curso de bacharelato, regulado pola Orde do 24 de xuño de 2008 pola que se desenvolve a organización e o currículo das ensinanzas de bacharelato na Comunidade Autónoma de Galicia, DOG do 27 de xuño, considerándose o 1º curso superado a todos os efectos.
Procede do bacharelato ordinario e ten 1º curso superado de bacharelato LOXSE, excepto unha ou dúas materias.	Terá que recuperar exclusivamente as materias non superadas de 1º curso LOXSE, sen ter que cursar a materia de Ciencias para o mundo contemporáneo. Recuperará as materias de 1º curso de acordo co currículo LOE. Incorpórase ao 2º curso de bacharelato, regulado pola Orde do 24 de xuño de 2008. Poderá matricularse das materias que desexe coas limitacións establecidas na lexislación específica de bacharelato de adultos.
Procede do bacharelato ordinario, cursou 1º de bacharelato LOXSE, e ten máis de dúas materias non superadas.	Terá que recuperar as materias non superadas de 1º curso LOXSE, e cursará a materia de Ciencias para o mundo contemporáneo. Recuperará as materias de 1º curso de acordo co currículo LOE. Poderá matricularse das materias que desexe coas limitacións establecidas na lexislación específica de bacharelato de adultos.
Cursou 2º curso do bacharelato ordinario LOXSE e ten materias non superadas de 2º.	Terá que recuperar exclusivamente as materias non superadas de 2º curso, que recuperará de acordo co currículo LOE. Non é obrigatorio que curse a materia obrigatoria de modalidade LOE (Xeografía ou Matemáticas II).
Cursou bacharelato ordinario LOE	Incorpórase ao bacharelato de adultos LOE coas especificacións propias do réxime de persoas adultas (recoñécenselle as materias superas, limitación de 32 períodos lectivos no bacharelato presencial, etc.).
Procede do BAC Adultos
Procede do bacharelato de persoas adultas LOXSE e ten materias pendentes de 1º curso.	Terá que recuperar exclusivamente as materias de 1º curso non superadas, non debendo cursar a materia de Ciencias para o mundo contemporáneo. Recuperará as materias de 1º curso de acordo co currículo LOE.
Procede do bacharelato de persoas adultas LOXSE e ten materias pendentes de 2º curso ou de 1º e 2º.	Terá que recuperar exclusivamente as materias non superadas, non debendo cursar a materia obrigatoria de modalidade LOE. Recuperará as materias de 2º curso (ou de 1º e 2º) de acordo co currículo LOE
Cursou bacharelato de persoas adultas LOXSE pero non superou ningunha materia.	Incorpórase ao bacharelato LOE a todos os efectos.
Procede do bacharelato de adultos LOE	Continúa os seus estudos de acordo co currículo LOE a todos os efectos.

O alumnado poderá solicitar a matrícula do número de materias que desexe, coas limitacións establecidas nos puntos 3 e 11 da circular 7 de 2008. En calquera caso, dada a obrigatoriedade de asistencia ás titorías presenciais no bacharelato semipresencial, a matrícula nas materias de segundo curso estará condicionada á compatibilidade horaria coas de primeiro. Para tal fin, o alumnado terá información previa sobre o horario desas titorías. Unha vez formalizada a matrícula, e se fose necesario, a dirección do centro informará o alumnado da necesidade de cambiar ou non a listaxe de materias elixidas.