A Preparación para a Proba Libre de Ciclos Formativos de Grao Medio é outra das ensinanzas que o Centro Público de E.P.A. de Ferrol está autorizado a impartir. Polo tanto, poden matricularse para asistir ás clases de preparación á proba aquelas persoas que cumpran estes requisitos:

De idade:

• Calquera persoa maior de dezaoito anos ou que os cumpra no ano natural en que fai a matrícula
• Aquelas persoas menores de dezaoito anos que de encontren en situcións especiais e con autorización da Inspección Educativa

Académicos:

As persoas que non teñan ningunha destas titulacións que permiten acceder directamente a cursar un Ciclo Formativo, polo que non poderán acceder mediante a Proba Libre:

• Posuír o título de graduado en educación secundaria obrigatoria
• Posuír o título de técnico auxiliar
• Posuír o título de técnico
• Ter aprobado o segundo curso do bacharelato unificado polivalente (BUP)
• Ter superado o segundo curso do primeiro ciclo experimental da reforma das ensinanzas medias
• Ter superados o terceiro curso do plan de 1963 (Decreto 2127/1963, do 24 de xullo, BOE do 6 de novembro) ou o segundo curso de comúns experimental (Decreto 179/1988, do 7 de xullo, DOG do 18 de xullo) das ensinanzas de artes aplicadas e oficios artísticos
• Ter superados outros estudos declarados equivalentes con algún dos anteriores para efectos académicos
• As persoas que teñan superada a proba de acceso á universidade para maiores de 25 anos quedarán exentas da realización da proba